Að byrja · Leiðbeining 1
Svona stofnar þú aðgang og prófar LAMB frítt í 14 daga
Þú stofnar aðganginn á vefnum, tengir búið við Fjárvís og LAMB sækir féð þitt sjálfkrafa. Þetta tekur um tíu mínútur.
Engar greiðsluupplýsingar þarf. Þú getur sagt upp hvenær sem er á prufutímanum.
Áður en þú byrjar
Hafðu þetta við höndina
Opnaðu skráningarsíðuna
Farðu á is.lambehf.com/stofna-adgang í tölvu eða síma.
Þú kemst líka þangað af forsíðunni með hnappnum „Prófaðu frítt í 14 daga“, eða með „Nýskrá“ efst á síðunni.
Flipinn „Prufa frítt í 14 daga“ er valinn fyrir þig.
Fylltu út formið
- Sláðu inn kennitöluna, tíu tölustafi. Nafn, heimilisfang, póstnúmer og bær fyllast inn sjálfkrafa. Athugaðu að það sé rétt.
- Sláðu inn netfangið þitt.
- Veldu lykilorð, að minnsta kosti 6 stafi. Augað hægra megin sýnir það sem þú skrifaðir.
- Undir Tengiliðsupplýsingar setur þú inn símanúmer. Hakið við „Senda rafræna reikninga“ er sjálfvalið.
- Ýttu á „Byrja ókeypis prufu“.
Kennitala
Fullt nafn
Netfang
Lykilorð
Tengiliðsupplýsingar
Sími
Heimilisfang
Prufuaðgangurinn er settur upp
Þú þarft ekki að bíða eftir tölvupósti. Síðan sýnir fyrst „Stofna prufuaðgang...“ og svo „Velkomin/n í LAMB!“.
Eftir nokkrar sekúndur ferð þú sjálfkrafa áfram í uppsetninguna. Hún er þrjú stutt skref: Þú, Búið og Gögnin.
Staðfestu hver þú ert
- Fyrsta skref uppsetningarinnar heitir Þú. Þar sérðu nafnið og kennitöluna sem þú slóst inn.
- Er eitthvað rangt? Ýttu á „Breyta upplýsingum“ og lagaðu það.
- Ýttu á „Áfram — tengja búið“.
Kennitalan er notuð til að finna áskriftina þína og merkja skráningarnar þínar. Hún fer hvergi annað.
Tengdu búið við Fjárvís
LAMB sækir gripina beint úr Fjárvís, svo þú þarft ekki að slá neitt inn aftur.
- Sláðu inn notendanafnið og lykilorðið sem þú notar í Fjárvís.
- Ýttu á „Sækja uppgjörin mín“. LAMB sýnir þá uppgjörin sem eru skráð á þig.
- Hakaðu við uppgjörin sem þú vilt vinna með í LAMB.
- Ýttu á „Tengja … uppgjör“.
Viltu bíða með þetta? Ýttu á „Sleppa í bili“. Þú getur tengt búið síðar undir Prófíll → Uppgjör.
Notendanafn í Fjárvís
Lykilorð í Fjárvís
LAMB sækir féð þitt
Nú sækir LAMB gögnin úr Fjárvís. Þetta tekur oftast innan við mínútu. Þú sérð hvert atriði merkjast jafnóðum: gripi, vigtanir, dóma, kynbótamat, fangskráningar, fósturtalningar, atburði og örmerki.
- Bíddu þar til allt er komið. Lokaðu ekki síðunni á meðan.
- Ýttu á „Byrja í LAMB“. Þá ertu komin/n inn á búið þitt.
Héðan í frá uppfærast gögnin sjálfkrafa.
Prufutíminn
Hvað gerist eftir 14 daga?
Dagur 1–14
Þú notar LAMB frítt, bæði vefinn og appið.
Dagur 12
Þú færð áminningu í tölvupósti um að prufan sé að klárast.
Dagur 14
Reikningur fyrir árgjaldi LAMB er sendur sjálfkrafa. Þú heldur áfram án þess að gera neitt.
Verðið sérðu á is.lambehf.com/verdskra.
Ef eitthvað stoppar þig
Skilaboð sem geta birst
Hver kennitala á bara einn aðgang. Skráðu þig inn með netfanginu sem þú notaðir áður, eða ýttu á „endurstilltu lykilorðið“ ef þú manst það ekki.
Kennitalan hefur verið í LAMB áður. Þú getur samt skráð þig á sama stað. Þá færðu reikning fyrir árgjaldinu og fullan aðgang þegar hann er greiddur.
Gott mál. Skiptu yfir á flipann „Þegar með LAMB áskrift“ efst á síðunni og stofnaðu aðganginn þar.
Greiddu reikninginn fyrst. Svo stofnar þú aðganginn á flipanum „Þegar með LAMB áskrift“.
Netfangið er í notkun með öðru lykilorði. Farðu á Skrá inn og notaðu „Gleymt lykilorð?“.
Prófaðu að skrá þig inn á Fjárvís sjálft. Gangi það ekki heldur þarftu nýtt lykilorð þar. Þú getur sótt nýtt lykilorð eða breytt því inni á Fjárvís, fjarvis.is.