Tæki · Leiðbeining 8

Svona virkar samstillingin

Gögnin þín ferðast þrjár leiðir: milli símans og LAMB, úr Fjárvís inn í LAMB, og úr LAMB í Fjárvís. Bara ein þeirra gerist sjálfkrafa. Hinar tvær gerast þegar þú ýtir á hnapp.

Í hnotskurn

Þrjár leiðir fyrir gögnin

Síminn og vefurinnÞar sem þú skráir og skoðar

← →1. Sjálfkrafa þegar net er

LAMBSameiginlegt fyrir alla á búinu

→3. Senda í Fjárvís, þegar þú ýtir

← 2. Samstilla, þegar þú ýtir

FjárvísOpinbera skráin hjá RML

1. Sími ↔ LAMBGerist sjálft. Þú skráir í símanum, líka án nets, og það fer upp þegar netið kemur. 2. Fjárvís → LAMBGerist bara þegar einhver á búinu samstillir. Annars sérðu gömul gögn. 3. LAMB → FjárvísGerist bara þegar þú ýtir á „Senda í Fjárvís“. Það er opinber skráning.

Leið 1 · Sjálfkrafa

Síminn og LAMB

Allt sem þú skráir í appinu vistast fyrst í símanum. Þú getur því unnið úti í húsi eða í réttinni þótt ekkert net sé. Um leið og síminn kemst í samband fer það upp í LAMB, og hinir á búinu sjá það í sínum síma og á vefnum.

Efst á Heim sérðu stöðuna:

• Tengt við internet Allt fer upp jafnóðum.
• Engin nettenging Haltu áfram að skrá. Það bíður í símanum.
• Samstilli... Í gangi.

Ýttu á stöðuna og veldu „Samstilla“ ef þú vilt sækja nýjustu skráningarnar frá hinum á búinu strax. Þetta sækir það sem er í LAMB, ekki úr Fjárvís.

Ekki skrá þig út eða eyða appinu á meðan eitthvað er ósent. Appið varar þig við með „Ósendar skráningar“. Komdu símanum í net og bíddu þar til allt er farið, annars tapast það.

Dalur

Engin nettenging●

Þú getur haldið áfram að vigta og skrá. Það fer upp þegar síminn nær sambandi.

Ósendar skráningar

12 skráningar hafa ekki verið sendar í skýið. Ef þú skráir þig út núna tapast þær.

Skrá út samtHætta við

Leið 2 · Þegar þú ýtir

Sækja nýjustu gögnin úr Fjárvís

LAMB sækir ekki sjálft úr Fjárvís. Það sem er skráð í Fjárvís annars staðar, t.d. dómar, kynbótamat eða skráningar hjá RML, birtist ekki í LAMB fyrr en einhver á búinu samstillir.

1

Samstilltu búið

Í appinu Opnaðu Bújarðir og ýttu á hringörina við búið. Veldu „Samstilla frá Fjárvís“.

Á vefnum Farðu í Prófíll → Uppgjör og ýttu á hringörina við uppgjörið.

Þú sérð hvert atriði sótt: gripir, vigtanir, dómar, kynbótamat, fangskráningar, fósturtalningar, atburðir og örmerki. Hafðu símann í góðu sambandi á meðan.

Einn samstillir, allir fá. Samstillingin er fyrir búið, ekki fyrir hvern síma. Það þarf ekki að eiga eigin Fjárvís-aðgang til að samstilla.

Mínar Bújarðir

Dalur 1

Síðasta samstilling: fyrir 3 dögum

Veldu uppruna samstillingar

Samstilla frá Fjárvís

Sækir nýjustu gögnin

2

Samstilla frá LAMB

Það sem LAMB á núna

„Frá LAMB“ sækir bara það sem er þegar í LAMB, eins og í leið 1.

---

2

Hvenær á að samstilla?

• Áður en vertíð hefst, t.d. fyrir fang, sauðburð og haustvigtun.
• Eftir að eitthvað var skráð í Fjárvís annars staðar, t.d. hjá RML eða í Fjárvís sjálfu.
• Þegar LAMB minnir þig á það. Ef búið hefur ekki verið samstillt í 30 daga birtist kort á Heim: „Síðast samstillt við Fjárvís …“. Ýttu á „Samstilla“ á kortinu.

„Ósamræmi við Fjárvís“ LAMB ber búið saman við Fjárvís á hverri nóttu. Ef eitthvað stemmir ekki sýnir kortið hve margt vantar í LAMB, hve margt er ekki í Fjárvís og hvar er misræmi. Oftast dugar að samstilla. „Skoða á vef“ sýnir hvaða gripir eiga í hlut.

Dalur

!

Ósamræmi við Fjárvís

Vantar í LAMB: 14
Ekki í Fjárvís: 3
Misræmi: 2

samanburður [dagsetning]

SamstillaSkoða á vef

Dæmi.

Leið 3 · Þegar þú ýtir

Senda skráningar í Fjárvís

Það sem þú skráir í LAMB fer ekki sjálft í Fjárvís. Þú ákveður hvenær, með hnappnum „Senda í Fjárvís“. Fyrsta skiptið skráir þú þig inn í Fjárvís.

Skráning	Fer í Fjárvís úr LAMB?	Hvar sendir þú
Vigtanir	Já	Vigtunarskjárinn í appinu, eða Vigtunarlisti á vefnum
Fang	Já	Listinn Fang í appinu, eða Fangskráning á vefnum. Sjá leiðbeiningu 12.
Örmerki (frátekin og á eldri gripi)	Já	Taka frá merki í appinu, eða Örmerki á vefnum. Sjá leiðbeiningu 7.
Breytingar á grip (nafn, örmerki)	Já	Spjald gripsins í appinu, undir Bíða sendingar
Burður	Já, fyrir sauðburð	Burðaskráning í appinu, eða Burðalisti á vefnum. Mundu að senda burðinn, hann fer ekki sjálfur.
Fósturtalning	Já	Listinn Fósturtalning í appinu, eða Fósturtalningalisti á vefnum. Sjá leiðbeiningu 13.

Það sem er farið í Fjárvís er endanlegt í LAMB. Þú getur ekki breytt eða eytt skráningu í LAMB eftir að hún er send. Farðu yfir áður en þú ýtir.

Má ég senda? Eigandi búsins má alltaf senda. Aðrir á búinu þurfa heimildina „Má senda í Fjárvís“ frá eiganda. Sjá leiðbeiningu 3.

Eftir sendingu sérðu yfirlit: hve mörgu var skilað, hve margt var þegar í Fjárvís og hvort einhverju var hafnað, með ástæðu.

Ef eitthvað stoppar þig

Skilaboð sem geta birst

„Samstillingu lauk en sum gögn bárust ekki: …“

Hluti náðist ekki, oftast vegna sambandsins. Reyndu aftur á betra neti. Það sem kom inn heldur sér.

„Búið hefur aldrei verið samstillt við Fjárvís“

Gögnin úr Fjárvís hafa aldrei verið sótt. Samstilltu eins og í leið 2.

Ég skráði í símanum en sé það ekki á vefnum

Síminn hefur ekki náð sambandi enn. Opnaðu appið á neti og athugaðu að staðan sé „Tengt við internet“.

Ég sé ekki dóm eða skráningu sem er komin í Fjárvís

LAMB sækir ekki sjálft úr Fjárvís. Samstilltu búið eins og í leið 2.

Skráning er í LAMB en ekki í Fjárvís

Hún hefur ekki verið send. Sjáðu töfluna í leið 3 um hvar á að senda.

Þarftu aðstoð?

Tölvupósturinfo@lambehf.com

Sími+354 611-0469

Leiðbeiningarwiki.lambehf.com