Framleiðsluárið · Fengitími · Leiðbeining 12
Svona skráir þú fang
Þú skannar ána og hrútinn, vistar, og sendir svo allt í Fjárvís í einu. Þetta er sama flæði og í þungavigtun: skanna, skrá, senda.
Fyrir fengitímann
Áður en þú byrjar
Skanna
- Á Heim, ýttu á Fang og svo +. Skjárinn Skrá fang opnast.
- Athugaðu fangdagsetninguna. Sjá um lásana hér að neðan.
- Skannaðu ána. Hún fer í reitinn Ær.
- Skannaðu hrútinn. Hann fer í reitinn Hrútur. Hrútur er valfrjáls.
Ekki með lesara? Leitaðu að ánni og hrútnum eftir valnúmeri eða nafni í reitunum.
Gott að skilja
Þegar þú velur ána
Um leið og ærin er skönnuð birtast upplýsingar um hana, svo þú sérð strax að þú ert með réttan grip og hvað þarf að hafa í huga.
- Nafn og valnúmer, kyn og eyrnamerki. Athugaðu að þetta sé rétta ærin.
- Arfgerð. Lituðu merkin sýna riðuarfgerðina, í sömu litum og með sömu heitum og í Fjárvís. Ýttu á merki til að sjá skýringu á því.
- Upplýsingar um gripinn: faðir, móðir, fóstra, síðasta vigtun, gerð, fita, frjósemi og mjólkurgeta.
- Fyrri athugasemdir, sjá hér að neðan.
Eyrnamerki: 937000004084451
Gott að skilja
Lásarnir tveir
Við dagsetninguna og hrútinn er lás. Hann ræður hvort reiturinn haldi sér eða hreinsist þegar þú vistar og byrjar á næstu á. Báðir eru opnir þegar þú opnar skjáinn.
Eftir „Vista fang“:
Dagsetningin fer aftur á daginn í dag.
Hrúturinn hreinsast og þú skannar nýjan.
Eftir „Vista fang“:
Dagsetningin heldur sér.
Hrúturinn heldur sér. Þú skannar bara næstu á.
Ærin hreinsast alltaf, svo þú skráir aldrei sömu ána tvisvar óvart. Ýttu á lásinn til að opna hann eða loka.
Gott að skilja
Athugasemdir
Í reitnum Athugasemd skrifar þú það sem þú vilt muna um ána eða fangið, t.d. „gekk upp aftur“, „sædd“ eða „halt á vinstri“. Reiturinn er valfrjáls og hreinsast eftir hverja vistun.
Um leið og þú skannar ána birtast Fyrri athugasemdir hennar fyrir neðan. Þar sérðu allt sem hefur verið skrifað um hana: við vigtun, burð, fang og almennar athugasemdir, merkt hvaðan það kemur. Þú sérð þá strax ef eitthvað þarf að hafa í huga með þessa á.
Tvílembd, annað lambið lítið
Halt á vinstri framfæti
Sædd
Skrá
- Skrifaðu athugasemd ef þarf. Það er valfrjálst. Sjá um athugasemdir hér að ofan.
- Ýttu á „Vista fang“. Það stendur „Fang skráð“ og teljarinn efst hækkar.
- Skjárinn er strax tilbúinn fyrir næstu á. Það sem er læst heldur sér. Skannaðu næstu á.
Senda
Fangið fer ekki sjálft í Fjárvís. Þegar þú ert búin/n, t.d. í lok dags eða þegar fengitímanum lýkur, sendir þú allt í einu.
- Komdu símanum á net og opnaðu listann Fang.
- Neðst stendur hve margar fangskráningar bíða sendingar til Fjárvís. Ýttu á „Fjárvís“.
- Fyrsta skiptið skráir þú þig inn í Fjárvís.
- Svo kemur yfirlitið „Sending til Fjárvís“: hve margt var skráð, uppfært eða hafnað.
Þú getur líka sent af vefnum: Fangskráning → Ósent → „Senda á Fjárvís“. Þar er gott að fara yfir langan lista.
Ef eitthvað stoppar þig
Skilaboð sem geta birst
Það vantar ána. Skannaðu hana, eða leitaðu að henni í reitnum Ær.
Merkið finnst ekki á neinum grip á búinu. Leitaðu að ánni eftir valnúmeri, og samstilltu búið ef gripinn vantar. Ef bæði ær og hrútur eru þegar valin gerir skönnun ekkert. Hreinsaðu reit fyrst.
Yfirlitið segir af hverju. Lagaðu skráninguna í listanum og sendu aftur.
Oftast vantar netsamband. Það sem komst á skrá er skráð, hitt bíður og fer með næstu sendingu.
Þú þarft heimildina „Má senda í Fjárvís“ frá eiganda búsins. Sjá leiðbeiningu 3.