Að byrja · Leiðbeining 3

Svona vinnur þú með fleirum á sama búi

Fleiri en einn geta verið á sömu bújörð í LAMB. Allir sjá sömu gripina, skráningar hvers og eins berast í síma hinna og það sést hver skráði hvað.

Þú hleypir öðrum inn með aðgangskóða. Enginn tölvupóstur og engin bið.

Hvað viltu gera?

Hleypa öðrum inn á búið mitt Maka, barni, hjálparmanni eða ráðunaut. Leið A → Ég fékk kóða frá öðrum Komast inn á bú sem einhver annar á í LAMB. Leið B → Bæta öðru búi við Annað uppgjör sem er skráð á þig í Fjárvís. Leið C →

Fyrst

Hver má gera hvað?

Hver sem fær aðgang fær eitt af þremur hlutverkum. Þú velur það þegar þú býrð til kóðann.

	Eigandi	Samstarfsmaður	Áhorfandi
Sjá alla hjörðina	Já	Já	Já
Skrá og breyta	Já	Já	Nei
Eyða skráningu sem er ekki farin í Fjárvís	Hvaða sem er	Bara sínum eigin	Nei
Senda í Fjárvís	Já	Bara ef þú leyfir	Nei
Sækja nýjustu gögn úr Fjárvís	Já	Já	Nei
Hleypa öðrum inn	Já	Nei	Nei

Aðgangur nær yfir alla hjörðina. Hver gripur, hver skráning og upplýsingar búsins. Það er ekki hægt að takmarka hann við hóp eða tímabil. Viltu að einhver geti bara skoðað? Veldu Áhorfanda.

Leið A · Fyrir eiganda

Hleypa öðrum inn á búið

1

Opnaðu aðgangslistann

Í appinu Opnaðu Mínar Bújarðir og ýttu á hóp-táknið hægra megin við bújörðina.

Á vefnum Farðu í Prófíll → Uppgjör og ýttu á hóp-táknið við bújörðina.

Þá opnast Aðgangur að bújörð. Þar sérðu alla sem hafa aðgang núna.

Mínar Bújarðir

Dalur 1

Uppgjör nr. 4127

Aðgangur að bújörð

Hafa aðgang

Jón Jónsson (þú)Eigandi

Anna JónsdóttirEigandi

Bjóða fólki aðgang

---

2

Búðu til kóða

1. Ýttu á „Bjóða fólki aðgang“.
2. Veldu hlutverk: Samstarfsmaður skráir og breytir eins og þú. Áhorfandi sér allt en skráir ekkert.
3. Á viðkomandi að mega senda í Fjárvís? Kveiktu þá á „Má senda í Fjárvís“. Sjálfgefið er slökkt.
4. Ýttu á „Búa til kóða“.

Hlutverkið festist við kóðann. Sá sem notar hann fær nákvæmlega það og getur ekki aukið eigin aðgang. Viltu veita annan aðgang? Búðu til annan kóða.

Hvaða aðgang á kóðinn að veita?

Ákveðið núna og fylgir kóðanum.

Samstarfsmaður

Getur skráð og breytt eins og þú.

2

Áhorfandi

Getur skoðað allt en ekkert skráð.

Má senda í Fjárvís

Skráningar fara í landsskrána í nafni bújarðarinnar.

3

Búa til kóða4

---

3

Komdu kóðanum til skila

Lestu kóðann upp, skrifaðu hann niður, eða ýttu á „Afrita kóða“ og sendu hann í skilaboðum. Í honum eru aldrei 0, O, 1, I eða L, svo það er ekki hægt að misheyra hann.

• Einnota. Hann hættir að virka um leið og einhver notar hann.
• Gildir í 7 daga. Svo fellur hann úr gildi.
• Hægt að afturkalla. Ónotaðir kóðar eru á sama skjá, með „Afturkalla“.

Viðkomandi fylgir svo leið B hér að neðan.

Kóðinn er tilbúinn

R7BF-9KV-PV7✓

Lestu kóðann fyrir viðkomandi. Hann gildir einu sinni og fellur úr gildi eftir 7 daga.

Afrita kóða

Ónotaðir kóðar

R7BF-9KV-PV7gildir í 7 daga

Afturkalla

Leið B

Ég fékk kóða frá öðrum

1

Gakktu inn með kóðanum

Þú þarft þinn eigin LAMB aðgang. Áttu hann ekki? Byrjaðu á leiðbeiningu 1, og ýttu á „Sleppa í bili“ þegar þú ert beðin/n um að tengja bú.

Í appinu Opnaðu Mínar Bújarðir og ýttu á lykiltáknið efst.

Á vefnum Farðu í Prófíll → Uppgjör og ýttu á „Ganga inn með kóða“.

1. Sláðu inn kóðann. Hástafir, bil og bandstrik skipta ekki máli.
2. Ýttu á „Ganga inn“.

Bújörðin birtist strax í listanum og síminn byrjar að sækja hjörðina.

Mínar Bújarðir 1

Ganga inn með kóða

Sláðu inn kóðann sem eigandinn gaf þér.

r7bf 9kv pv72

Ganga inn3

Þú hefur aðgang að bújörð #4127

Leið C

Bæta öðru búi við úr Fjárvís

Ertu með fleiri en eitt uppgjör skráð á þig í Fjárvís? Þú bætir þeim við hvenær sem er.

Á vefnum

1. Farðu í Prófíll → Uppgjör og ýttu á „Bæta við uppgjöri“.
2. Sláðu inn innskráninguna í Fjárvís og ýttu á „Sækja uppgjör“.
3. Hakaðu við uppgjörin og vistaðu. Samstilling hefst sjálfkrafa.

Í appinu

1. Opnaðu Mínar Bújarðir og ýttu á + efst.
2. Sláðu inn Fjárvís notandanafn og lykilorð og ýttu á „Skrá inn í Fjárvís“.
3. Veldu bújörðina og ýttu á „Bæta við aðganginn“.

„Þetta bú er þegar skráð á annan aðgang“? Þá er einhver annar þegar með búið í LAMB. Fáðu kóða hjá viðkomandi og farðu leið B.

Ef þú skiptir um skoðun

Breyta aðgangi eða hætta

Allt þetta er gert á sama skjá, Aðgangur að bújörð. Eigandi ýtir á punktana þrjá við nafn viðkomandi.

Breyta hlutverki

Eigandi velur „Gera að: …“, t.d. ef samstarfsmaður átti að vera áhorfandi.

Fjarlægja aðgang

Eigandi velur „Fjarlægja aðgang“. Bújörðin hverfur úr appi viðkomandi. Hægt er að bjóða honum aftur með nýjum kóða.

Fara sjálf/ur af bújörð

Hver sem er getur ýtt á útgöngutáknið á eigin línu í listanum og valið „Fara af bújörðinni“.

Eigendur eru jafningjar. Einn eigandi getur ekki fjarlægt eða lækkað annan. Síðasti eigandinn kemst ekki af bújörð sem aðrir eru á, fyrr en einhver annar hefur verið gerður að eiganda.

Viltu afhenda búið alfarið öðrum, t.d. við ættliðaskipti? Hafðu samband við okkur frekar en að deila og fara svo út sjálf/ur.

Gott að vita

Þegar fleiri skrá á sama bú

Einn sækir, allir fá

Þegar einhver sækir úr Fjárvís uppfærist búið hjá öllum. Samstarfsmaður þarf ekki eigin Fjárvís-aðgang til þess.

Hver sendir undir sínu nafni

Það sem fer í Fjárvís fer undir nafni þess sem sendir. Hver skráning sýnir líka hver setti hana inn.

Það sem er farið í Fjárvís er endanlegt

Skráningu sem er komin í Fjárvís getur enginn breytt eða eytt í LAMB. Það sem er ekki farið má enn laga.

Ef eitthvað stoppar þig

Skilaboð sem geta birst

„Þessi kóði er ekki gildur“

Kóðinn hefur verið notaður, er eldri en 7 daga eða var afturkallaður. Biddu eigandann um nýjan.

Ég sé ekki „Bjóða fólki aðgang“

Bara eigendur geta hleypt öðrum inn. Ertu samstarfsmaður eða áhorfandi? Biddu eiganda búsins að búa til kóðann.

„Ekki tókst að búa til kóða“

Kóðinn verður til á netinu, svo síminn þarf að vera í sambandi. Athugaðu netsambandið og reyndu aftur.

Þarftu aðstoð?

Tölvupósturinfo@lambehf.com

Sími+354 611-0469

Leiðbeiningarwiki.lambehf.com